Китептин тили: Кыргызча

Жакырчылыктан арылуу кытай элинин миңдеген жылдар бою күткөн кыялы болуп келген. Жаңы Кытай негизделгенден бери, айрыкча Ачыктык жана реформа саясаты башталгандан тартып, Кытай Коммунисттик партиясы жакырларга колдоо көрсөтүү, адамдардын жашоо шартын жакшыртууга багыттоо боюнча кеңири, пландуу жана уюшкан иш-чараларды ишке ашырууда элди бириктирип, жетектеп, болуп көрбөгөндөй ийгиликтерге жетишти. Бул китепте КЭРдин жакырчылыкты жоюудагы тажрыйбасы: трансформациялык экономиканын шартындагы өзгөчөлүктөрү, жакырчылык менен күрөшүү жолдору жана куралдары жалпыланып, Кытайдын жаңы тарыхындагы бул көйгөйдү чечүүдө ар тараптуу, багыттуу ыкмалар берилген.