Басылган чыгармалар

АЛГАЧКЫ ЧЫГАРМАЛАР ЖАРЫК КӨРДҮ

“Алтын ажыдардын сыры”, “Суу менен Сыянын жомогу”, “Цызылан карышкырдын мүдөөсү” “Кытай эстетикасы” чыгармалары кытай тилинен кыргызча жарык көрүп, 2016-жылдын 17-декабрында Басма компаниянын” Жетекчилигинин уюштуруусу менен КР Эл жазуучуларынан, жогорку окуу жайлардан, чыгармачыл интеллигенциядан, ММКлардан өкүлдөр чакырылып, окурмандарга тааныштыруу салтанаты болуп өттү.

Салтанатта, чыгыш таануу тармагындагы тарых жана филология илимдери боюнча адис, “Басма компаниянын” Аткаруучу директору Узакбаева Наргиза Талантбековна,

КР Эл жазуучусу Мелис Абакиров, “Улуу тоолор” басмасынын директору Ж. Кадыров, Башкы редактор Кеңешбек Айтикеев ж.б. сөз сүйлөштү.

 

КАЙСЫ КИТЕПТЕР БАСМАГА ДАЯРДАЛДЫ?

1. Редакциянын кызматкери Абдымамбет Сариевдин редакторлугу менен 2016-жылдын 1-ноябрынан 10-декабрына чейин: “Алтын ажыдардын сыры”, “Суу менен Сыянын жомогу”, “Цызылан карышкырдын мүдөөсү” “Кытай эстетикасы” чыгармалары даярдалып, 2016-жылдын 17-декабрына чейин басмадан жарыкка чыкты. “Кытай жолу жана кытай кыялы”, “Улуу дөөлөттүн жоопкерчилиги” даярдалып басмага өткөрүлүп берилди.

2. Редакциянын кызматкери Аркабаев Кубанычбектин редакторлугу менен 2016-жылдын 1-ноябрынан, 2017-жылдын 3-январына чейин: “Азыркы кытай адабиятынын тарыхы”, китеби басмага даярдалып жарыкка чыкты, “Туруктуу түнкү сакчы” чыгармасы басмага даярдалды.

3. Редакциянын кызматкери Назгүл Осмонованын редакторлугу менен 2017-жылдын 5-январынан тартып, “Чөптөн курулган шаар” чыгармасы даярдалып, версткага тапшырылды.

4. Казак редакциясынын кызматкери Юсупбаев Нургүл тарабынан 2017-жылдын январынын тартып казакча: “Азыркы кытай адабияты” жана “Жибек жолу жана кытай маданияты” китептери басмага даярдалып, Пекинге жиберилди.

Жыйынтыктап айтканда, редакция жамааты 11 китепти 5 айдын ичинде басмага даярдады.

 

ЧЫГАРМАЛАРДЫ КАЙСЫ ЖЕРЛЕРДЕН АЛСА БОЛОТ?

“Чыгыш адабияты жана искусствосу” Басма компаниясы” тарабынан жарык көргөн чыгармалар Бишкектеги “Нуска”, И. Арабаев атындагы окуу жайдын китеп дүкөнүндө, Ош жана Жалал-абад шаарларынын китеп дүкөндөрүндө жана Бишкек шаарындагы Н. Исанов көчөсү-143/1 редакциянын офисинде сатылууда